Lamun Anjeun

Mun BÉRÉHAN – haté anjeun meunang barokah,

Mun "GUMBIRA" - awak anjeun jadi walagri,

Mun “SOMÉAH" – anjeun bakal dipikanyaah,

Mun "SABAR" – anjeun jadi wijak,

Mun "SOPAN" – anjeun bakal dipikageugeut,

Mun "SATIA" – anjeun bakal dipikaasih,

Mun "MÉRÉ” – ajeun bakal ngarti kana kahirupan

Dina mangsa kuring syu’udon ka batur, teu sadar, kuring geus ngahukum jalma éta.

Leuwih babari mana?

... nyingkirkeun karikil seukeut sapanjang jalan, atawa maké sepatu ngarah suku urang henteu bohak?

Leuwih babari mana?

Ngaberesihan sakumna tempat ngarah towong tina kokotor atawa ngawangun diri sangkan awak urang jadi teger..?

Leuwih babari mana?

Nyarék batur sangkan ulah ngomong kana kagoréngan atawa ngajaga diri urang sangkan ulah gampang katodél haté?

Leuwih penting mana?

Ngawasa batur atawa diajar ngawasa diri sorangan?

Nu penting mah lain kumaha sangkan batur hadé ka urang, tapi kumaha sangkan urang bisa hadé ka batur.

Lain batur nu kudu nyenangkeun urang, tapi polah urang nu kudu nangtukeun naha kuring téh bagja atawa henteu.

Saban mangsa nu geus kaliwat dibéakkeun samangsa hirup moal balik deui.

Tapi aya sarupa nu masih digawékeun, nyaéta diajar tina mangsa nu geus kaliwat sangkan isukan bisa leuwih hadé.

Hirup téh diajar tur teu aya wates umur, euweuh kecap “kolot”

Mun LABUH, geuwat NANGTUNG deui, ..

Mun ÉLÉH,coba deui ..

Mun GAGAL, HUDANG deui ..

Nepi ka ANJEUNA nyaur:

"GEUS WAKTUNA MANÉH MULANG...."

Karya:Surya Atmadja