Kongkorongok

Karya : Muhammad Santosa

Bari diriung diabring-abring
ku bikang mangpirang-pirang
Si jago agul cumeluk
kiplik-kiplik
Kongkorongok

Henteu inggis,
henteu miris,
gesit sarampat serempet
harus hoak, tarik haok,
sing saha nagtung jurit
kiplik-kiplik
kongkorongok

Da puguh kitu talajak
jago tukang kongkorongok
selang galar-gilir bikang
jagad bejad, dunya bitu
keur jago cukup ku
kiplik-kiplik
kongkorongok